Vöku Gigg

Ég tók kvöldið snemma með systu og við skunduðum á VIP Gigg hjá Vöku, nema hvað. Kvöldið byrjaði skemmtilega vel, þar sem leigubílstjórinn okkar var Akureyringur og stóð orrahríð milli hans og okkar Eyjasystra alla leið í bílnum. Hvað er þetta með Akureyringa og að þola ekki Eyjamenn... bara afþví við erum með flottari útihátíð ;)
Kvöldið fór svo tiltölulega rólega af stað þar sem enskir brandarar stóðu einna helst upp úr, og ég bauð mig fram í embætti ljósmyndara Vöku.. spurning hvort ég verði ekki látin standa við þau orð þar sem mér skilst að það sé ekki eftirsótt starf ;)
En eftir miðnætti hafði heldur betur þynnst úr hópnum og vorum við innan við tíu sem skunduðum inn á skemmtistaði borgarinnar. Spænskuspjall við Chilebúann og Spænsku stelpuna á klósettinu ásamt endurfundum við góðan og gamlan vin úr Eyjum stóðu upp úr á Hressó en svo lá leiðinn inn á hinn ofurpakkaða Kaffibar. Það vakti furðu mína þegar ég leit á úrið mitt við heimleið, enda klukkan að verða fimmm um morgun! -mér hefði þó ekki getað staðið meira á sama, enda gott kvöld yfirstaðið og mér hafði loks tekist að framkvæma ætlunarverkið.

Stjörnuspáin í dag hljómar svo á þessa leið:

Ljósið innra með ljóninu skín skært, sem er gott enda er skuggsýnt sums staðar, þar sem leiðin liggur. Kannski tekst þér að bjarga einhverjum með því að vera eins og þú átt að þér.

-og ég er ekki frá því að ljósið skíni skærar í dag.

Uppgjör eftir páskahátíð!

Ég hef greinilega borðað á mig gat í orðsins fyllstu merkingu yfir nýyfirstaðna hátíð... því mér tókst að rífa gat á rassinn á gallabuxunum mínum, þó ekki hefði verið um neinar leikfimiæfingar að ræða í þetta skiptið.

I need to go shopping! -Kannski ég biðji um númeri stærra af gallabuxum næst ;)

Gleðilegt sumar !


Samkvæmt fornri íslenskri trú veit það á gott sumar ef vetur og sumar frjósi saman. Eins og mbl.is hefur greint frá, þá fraus á flestum stöðum í nótt.
Hinsvegar var næstum fjögurra stiga hiti á Stórhöfða í Vestmannaeyjum - spurning hvernig sumarið verður þar... það fylgdi hinsvegar ekki fréttinni hvernig hitamálum hefði háttað á veðurstöð í Vestmannaeyjabæ :)

Ég óska öllum gleðilegs sumars

Eins og skáldið sagði:
...maðurinn finnur það sem hann leitar að, og sá sem trúir á draug finnur draug.
Halldór Laxness, Sjálfstætt fólk

Er kommentakerfið komið í gang núna?

Haloscan commenting and trackback have been added to this blog.

Nýtt útlit

Vegna óánægju með nýtt viðmót blog central hef ég ákveðið að flytjast aftur hingað, á gamla góða Bloggerinn :)

vitur maður sagði eitt sinn:
"Það er alveg víst, að þetta fer alltsaman einhvernveginn"

og annar vitur maður sagði svo:
"Það endar allt vel og ef það er ekki gott, þá er því ekki lokið"

og með það að leiðarljósi horfi ég fram á veginn

Nýjasta fjall í heimi.. ekki slæmt :)